2014.10.25 {觀塘} Lunch @ 上海榮華川菜館

今日又同蝸牛先生出去搵食

因為之後想去 Mega box 睇家品

所以我地去了觀塘區

蝸牛先生帶我去了一間上海老鋪

0係 openrice 有成 186個 like 架, 真係唔簡單

上海榮華川菜館

觀塘崇仁街15號地下

地鐵站行過去大約七, 八分鐘

原來佢同大孖醬油同一條街, 入伙後我一定會過來入貨

話明係老鋪, 裝修一定欠奉

可能我地當日坐近下欄位

感覺都幾污糟, 同埋有陣味

老老實實, 我就真係食得唔係幾自在

點了二人餐

有湯, 有小菜, 有甜品, 都幾豐富

酸辣湯

比想像中辣, 味道都唔錯

回鍋肉

 呢碟反而普普通通, 不過勝在唔太油

小籠包

呢個係另點的, 三十幾蚊有六隻, 勁抵!!

(上 facebook like 佢地個 pages 仲加送兩隻)

味道 ok 的, 不過嫌佢皮太厚同埋無乜肉汁

八寶茶

呢杯茶好飲, 甜度適中, 而且入面的材料好似好有益咁

豆沙鍋餅

一上枱見到咁黑, 心諗: 一定唔多好食

點之, 有驚喜喎

以為佢炸到咁黑, 一定好油

但食落又唔覺油

而且豆沙又唔會太甜, 好味!!

雖然係老鋪, 不過佢管理都幾現代化

有流程圖比員工, 教佢地點去招呼客人, 教佢地點安排坐位

我地又同疑似老板娘的人傾計

佢話呢d 都係屋企的細路幫手做

希望佢地讀書可以學致用, 幫到手之餘, 仲可以比機會佢地實踐

呢類的家族老鋪0係香港已經買少見少

而加0係新市鎮見到的全部都係連鎖式的食店

想食好0野真係要落返舊區先搵到

＿

食完就同蝸牛先生去 Mega box

等0左好耐都無 shuttle, 唯有撘的士

到走0既時候, 又係一大條龍

呢個商場實在太唔方便

如無必要真係唔會再來

2014.10.04 {灣仔} Lunch @ 神虎拉麵

今日要去灣仔睇裝修材料

出發前先醫肚

蝸牛先生就帶0左我去食拉麵

神虎拉麵

灣仔 廈門街 23 號

店鋪位置就在新樓盤喜匯附近, 唔難搵

鋪位細細, 一貫日式拉麵店的風格

拉麵種類有五款

而除0左拉麵以外, 仲有餃子, 沾麵, 飯

有三種不同的配菜任食

芽菜

辣辣地, 幾好味

神虎拉麵 @ $83

湯底: 好香濃的豬骨湯底, 唔會太油, 我覺得好好飲, 而且飲完唔會好口渴

玉子: 有少少酒香, 蛋是半熟的, 好味!!!

黑虎 @ $73

湯底: 賣點係黑蒜味的豬骨湯底, 我覺得比神虎湯底更香更好飲

基本上麵的材料同神虎一樣, 只係佢無蛋

(我強烈建議要另加一隻半熟蛋, 因為隻蛋實在太好味)

對女仔0黎講, 我覺得 size 岩岩好

食完唔會覺得太漏太滯

我覺得呢間可以再來

*****

今日另一個任務係返新屋收貨

岩岩 order 完個麵就收到運輸的電話

好彩叫0左佢一個鐘頭前打來

如果唔係都唔知點算

今日又再 K.O 多一樣

要揀的已經揀得七七八八

電器都買哂

唔知下個月的今日, 會唔會已經0係新屋呢?

2014.09.15 {尖沙咀} Lunch @ Le Soleil

趁住周未, 一於要同蝸牛先生衝出將軍澳搵食

今日揀0左想試好耐的 Le Soleil

Le Soleil

尖沙咀麼地道 69 號帝苑酒店 3 樓

下午茶 tea set

$348 + 1 (2 人份)

荔枝蘋果茶

好清新, 唔算太甜...但嫌無乜茶味

越南咖啡

 蝸牛先生話好飲喎

魚露

主角出場喇

頂層:前菜 (鵝肝三文治, 軟殼蟹米紙卷)

中層: 甜點 (椰汁糕, 藍莓芝士蛋糕, 拿破倫, 馬卡龍)

底層: 咸點 (庶蝦, 春卷)

由於太肚餓 , 所以我0地先食底層的咸點

庶蝦同春卷都幾好味, 但就好似無乜越南的風味

之後食頂層的前菜 (鵝肝三文治, 軟殼蟹米紙卷)

鵝肝超級 so, 我唔like, 而且塊多士唔脆

軟殼蟹米紙卷反而幾好味

甜點 (椰汁糕, 藍莓芝士蛋糕, 拿破倫, 馬卡龍)

甜品一向係帝苑的強項

藍莓芝士蛋糕同拿破倫都好食, 唔會太甜, 亦唔會好漏

反而馬卡龍就真係太甜

而椰汁糕的質地就太淋, 唔夠煙韌

第一次食呢款 fusion high tea

越南咸點 + 西式甜點

我同蝸牛先生就唔太鍾意

而且在酒店食越南菜, 硬係覺得唔夠風味

不過未食過試一次又無妨

2014.09.09 {將軍澳} Lunch @ La Piazza

最近太多人話我發福不少

所以我要下定決心, 食少 d 同做運動

趁住假期, 一早就起身去游水

游完返來超肚餓, 但為兔功虧一簣, 所以只係食0左個生果頂肚

之後等0左大約兩個鐘就出發去食 lunch

今日同蝸牛先生出去"探險"

我地去0左 坑口站的 坑口村 搵食

由地鐵站行過去大約十幾分鐘, 唔算遠, 但就好熱

行到入村我已經超肚餓, 所以都無乜心機慢慢揀

最後揀0左呢間

La Piazza Restaurant

將軍澳坑口村24號地下 

鋪位仔仔, 亦都因為無訂位而要坐室外

omg!!! 已經行到身水身汗, 仲要坐室外?!

如果唔係我實在太肚餓, 我一定會去第二間食

但...鬼叫我呢一刻超肚餓咩....

如我所料, 呢餐係滴住汗咁食

Set lunch: $92 +1

set 的款式好少, 得三款

蝸牛先生揀了前菜, 我就揀了餐湯

前菜: 雞肉沙律

餐湯

南瓜湯味道都唔錯

不過大熱天時飲係一個挑戰

蒜蓉包

無乜特別, 唔夠蒜香, 又唔夠脆

海鮮意大利飯

海鮮只有魷魚同青口

味道都唔錯的

西冷扒

一入口有好大陣濃味, 而且塊扒無乜味, 好麻麻

好彩都唔算太山長水遠過來

如果唔係一定好失望

加上個 set 都 over $100, 所以我覺得佢價錢同質素唔成正比

今次又搵食失敗~

2014.09.08 中秋節大餐

2014 中秋節

4:30 放工

一心諗住買銀鱈魚, 所以去0左 cc super 買餸

點知去到樣樣都想食

買下買下, 竟然最後係無買到銀鱈魚的, 哈哈

而且埋單仲好貴添....OMG!!!

前菜一: 焗蠔

買0左四隻, 我食熟的, 蝸牛先生就食生的

其實焗都唔錯丫.....

只係簡單加點乾蔥, 蒜, 黑椒同芝士就可以拎去焗

買0左呢隻 CHEESE

用來焗蠔或加0係意粉度食, 味道又唔錯喎

下次要 ENCORE

前菜二: 刺身

本來想食海膽的

但見到 D 刺身又好似好吸引

最後都係買0左三 PACK 細細地的

帶子超鮮甜, 好正!!!

主菜:香草黑椒大蝦意粉

本來無乜特別, 不過加0左芝士後, 味道即刻 upgrade 哂

本來想買 cake 的, 不過我而加要控制自己食量, 所以都係無買

真係好羨慕 d 人食極都唔肥

我呢 d 一食得多就會發漲, 上天實在太唔公平 

夜晚, 同蝸牛先生出0左去附近散步

我0地跟住人潮去0左將軍澳海賓公園

估唔到呢邊都幾有氣氛

好多一家大細出來玩燈籠, 食生果, 月餅賞月, 都幾熱鬧

今年中秋雖然過得好平淡, 但都幾開心丫~

2014.09.06 {沙田} Lunch @ La terrazza bar & grill

呢日返大埔{娘家}做節

下晝順便入沙田 HomeSquare 行下

行之前先醫肚

揀0左大會堂旁邊的西餐廳

La terrazza bar & grill

沙田源禾路1號沙田大會堂天台花園

我同蝸牛先生都係第一次來

SET LUNCH 價錢尚可 (around $78 to $98 + 1)

餐包

印有餐廳名字, 都幾特別

味道都 ok

蘑菇湯

set lunch 唔包餐湯的

好似加 $20

不過呢個湯幾好飲

大蝦長通粉

呢碟我覺得都幾好味

但如果蝦可以再爽d 就更加好

牛肉漢堡

超大個, 塊漢堡味道幾好, 但唔夠 juicy

唔知係咪因為同蝸牛先生 share 來食, 所以唔覺好漏, 幾好

最近搬0左去將軍澳暫住

屋苑附近全部都係連鎖餐廳, 感覺好 dry

難得放假離開呢區, 真係要搵 d 好少少0既0野食下

其實當初都有諗過下買將軍澳 (貪佢新, 居住環境好似好d)

不過怕難"搵食", 所以最後都係無諗

我同蝸牛先生都鍾意食

若果長住呢區, 我相信會有生不如死的感覺, 哈哈

2014.08 自家打邊爐

好耐好耐無寫過煮食 BLOG

一來忙於籌備新屋, 一開電腦就掛住搵裝修資料

二來唔係幾習慣暫住屋的廚房

呢度可用的煲唔多, 好唔方便

所以就算煮, 都只可以煮一D 簡單的菜色

好彩0個陣有帶埋光波爐過來

如果唔係都唔知點算

上星期在灣仔睇完裝備材料

同蝸牛先生行0左落鵝頸橋行市

本來係打算煮飯的

買下買下最後都係決定打邊爐

第一次買龍躉, 無想像中咁貴, 一小碟 $80, 用來打邊爐好正 (我覺得我會上癮)

牛頸脊又係打邊爐必備的, 今次買0左 $50

花蛤, 食就唔覺好鮮甜, 不過用來滾就好好飲

水餃, 占仔記出品, 估唔到又幾好食

湯底都係邊爐的靈魂

由於我好鍾意一邊打邊爐一邊飲湯, 所以我習慣自己煲湯底

(感覺無咁邪惡, 仲有一種健康的感覺, 哈哈)

蕃茄薯仔粟米花蛤湯

買0左五, 六個大蕃茄

再加上花蛤的鮮味, 呢個湯真係超好飲

今次仲買到超甜栗, 簡直食到唔停口

最後, 加多個烏冬......食到反肚

2014.05 - 北海道遊 {Day 11} - 北海道再見

終於都來到最後一日

(十一日的旅程真係唔簡單, 日玩夜玩其實都幾攰)

在北海道的最後一餐, 我地決定食壽司

(亦為我未食到一餐感動的壽司而報仇)

揀了大丸樓上的壽司善

十一點已經要排隊, 好彩只係排一陣

跟蝸牛先生同樣點了壽司 SET

雖然都好味, 但又未去到"叮"一聲咁好食

貪吃的蝸牛先生再額外加了一客拖羅壽司

之後就抓緊時間血拼 @Stellar place

最後都有少少收獲

蝸牛先生在北果樓 COUNTER 買了一個 泡芙

係時候離開了

預早少少時間去機場買手信

機場有好多鋪頭, 不過我地時間唔多, 所以都行唔哂

期間, 又買得太忘形....忘形到連銀包都跌埋 (雖然入面只得 YEN 無証件)

好彩有個好心的日本人執返比我.....實在太大意

北海道, 再見了~

難吃的 CX 飛機餐

今次的收獲都唔算少

對鞋好靚, 不過我買細0左一個 SIZE

有日用0左來炒飯, 哂0左...因為太碎食唔出

果醬, 無乜特別

廚房用品

北海道比我想像中好玩, 風景好靚

今次旅程最滿意係住到鶴雅 鄙の座

雖然買衫的地方唔太多

不過又比我買到好多廚房用品, 都幾開心

有機會都想同蝸牛先生再來

2014.05 - 北海道遊 {Day 10} - OUTLET, 札幌, 大通

玩埋今曰，聽日就要離開喇，好唔捨得

今次旅程無乜機會 shopping

所以呢日十點就去附近的商場行0下

又因為我地只得半個鐘頭的時間 (今日 book 左十一點半食 lunch)

所以跟蝸牛先生分道揚鑣, 各行各心水鋪頭

最後我買0左一條褲, 而蝸牛先生就吉手而回

之後就出發去食 Sukiyaki

網上搵0左好耐都搵唔到一間多人讚的

最後唯有去旅遊書介紹的

鋪頭位於福住

要坐大約十五分鐘地鐵之後再轉巴士 (95號巴士), 全程大約四十五分鐘

到站時我地無按鐘, 所以司機叔叔無停車

遲0左一個站落車, 行到我地 cc 下

好彩沿途風景都幾靚, 只係當日陽光實在太猛烈

人生路不熟, 搵0左一陣先搵到間鋪頭

牛屋江戶八

http://www.edo-8.com/

先來杯梅酒

我0地揀左一客貴同一客平的牛 SET

食之前, 佢專登拎舊牛入來俾我地影相, 好攪笑~

前菜, 好精緻, 但唔算特別好味

先食靚牛

不過無想像中咁好味 (我地覺得在東京食到的好味好多)

其實我好鍾意食 Sukiyaki

牛肉 + Sukiyaki汁 + 豆腐 + 粉絲真係好正

點埋生蛋仲滑

用人手將蛋白打到起泡, 之後用來點牛肉

第一次咁樣食, 都幾得意

平牛的雪花明顯無咁靚

甜品: 好靚

甜品:  以為日本士多啤梨必定係甜的, 但呢舊竟然係酸的

另一舊似草餅的物體實在太普通

呢餐有點失望!!  

食完之後就去今日的第二站: 三井 OUTLET

http://www.31op.com/sapporo/access/index.html

今次旅程第二次行 OUTLET

呢個 OUTLET 好岩我, 因為超多家品 (Afternoon tea, FrancFranc, Dansk, LC etc)

我買得好開心!!  (最開心係買到想買好耐的花花碟)

不過, 我見到前幾日我專登返轉頭買的 Dansk 小小牛奶煲

當時 JPY3xxx 做緊特價, 仲以為自己執到平貨

點知, 呢度 outlet 價只係 JPY15xx!!  實在太過份!!!

有人見到雪糕又雙眼發光, 我已經數唔到今次係第幾杯了


離開 OUTLET, 本來打算去大通再併過
不過太攰, 加上戰利品太重, 所以最後都係返酒店

食完杯雪糕, 蝸牛先生話食滯0左, 唔太舒服
無乜胃口亦無乜精神....慘~

而我就為食鬼上身, 買0左少少0野返酒店食
好鍾意 Lipton 的檸檬茶

仲有類似魚餅的東西, 都好好味

休息夠就再去附近商場行過
今次蝸牛先生終於都有收穫, 佢買0左一個背囊
而我都買0左本相簿, 好開心~

今晚我0地去食蟹

因為想食質素好一點的

所以專登唔揀好多人都去的蟹放題餐廳

我地揀0左呢間:

雪華亭

http://www.sekkatei.com/

蟹腳冷盤

好鮮味, 不過肉唔算太多

火鍋

湯底似清水, 淡而無味, 我覺得麻麻

炸蟹蓋

呢個好好食, 我同蝸牛先生都好鍾意

燒蟹腳

呢個好味, 啖啖肉

蟹肉麵豉湯

無乜記憶, 我估味道應該係普普通通

蟹肉沙律

我對沙律一向麻麻

蟹肉燒賣

本身對日本的燒賣無乜好感 (皆因曾經食過0既都唔太好味)

在毫無期望之下放入口, 點知, 竟然幾好味喎~  

今次之後, 我對日本燒賣終於都改觀~

蟹肉雜炊

味道比較淡, 我都幾鍾意

但食慣濃味的蝸牛先生就麻麻地 

雪葩

普普通通

呢餐都幾滿意
食物幾好, 但就無乜 service
而且佢的份量岩岩好, 唔會好似蟹道樂食到咁漏咁飽

食飽之後就返酒店執行李 lu