好耐好耐無寫過煮食 BLOG
一來忙於籌備新屋, 一開電腦就掛住搵裝修資料
二來唔係幾習慣暫住屋的廚房
呢度可用的煲唔多, 好唔方便
所以就算煮, 都只可以煮一D 簡單的菜色
好彩0個陣有帶埋光波爐過來
如果唔係都唔知點算
上星期在灣仔睇完裝備材料
同蝸牛先生行0左落鵝頸橋行市
本來係打算煮飯的
買下買下最後都係決定打邊爐
第一次買龍躉, 無想像中咁貴, 一小碟 $80, 用來打邊爐好正 (我覺得我會上癮)
牛頸脊又係打邊爐必備的, 今次買0左 $50
花蛤, 食就唔覺好鮮甜, 不過用來滾就好好飲
水餃, 占仔記出品, 估唔到又幾好食
湯底都係邊爐的靈魂
由於我好鍾意一邊打邊爐一邊飲湯, 所以我習慣自己煲湯底
(感覺無咁邪惡, 仲有一種健康的感覺, 哈哈)
蕃茄薯仔粟米花蛤湯
買0左五, 六個大蕃茄
再加上花蛤的鮮味, 呢個湯真係超好飲
今次仲買到超甜栗, 簡直食到唔停口
最後, 加多個烏冬......食到反肚
Mr and Mrs. Snail:
回覆刪除~暫住地方, 煮野食係會無咁方便. 我而家係Brian 父母家暫住, 真係連廚房都費事入. 唔想"左"到人嗎!!
~你依餐邊爐餐, 真係好多野食, 而且啲料都唔錯!! 自己係屋企打邊爐, 真係最抵玩
始終都係自己的廚房最就手, 我明呀!!
刪除打邊爐, 我鍾意自己買料多過出街食, 差不多價錢, 但用料可以靚好多
兩個人都算食得勁！哈…
回覆刪除呢排我唸你都係打邊爐同一品窩最方便，我以前仲恐怖，成日打粥邊爐，肥到呢！
中秋節快樂呀^^
哈哈, 乜食得好勁咩? 唔係0者....
刪除不過, 呢餐之後, 我開始要食少D 啦.....呢一,兩年真係肥0左好多呀!!
牛頸脊係咪响買新鮮牛的地方買架??
回覆刪除我都好鐘意打算爐, 但次次都要買好多, 有時人地會覺得我買得小唔肯買比我.
街市賣鮮牛肉的地方會有, 不過又唔係間間都有賣, 要問架
刪除我0係鵝頸橋街市買的
我成日都會同佢講, 最少可以買幾多, 我兩個人食咋.....通常佢都會比少D