2017.03 廣島 福岡 {Day 3b} 結婚周年 x 宮島溫泉

2017.03.20 廣島 福岡 {Day 3b} 結婚周年 x 宮島溫泉

喺房休息一陣就去神社嗰邊行下

途中見到有隻馬騮仔

明明見佢個牌話100 YEN take a picture

但俾咗 100 yen 之後, 個人又理都無理我哋

完全唔知佢做乜

唔知咩事就咁無咗 100 YEN, 唯有走啦

之後就入去神社參觀 

神社唔大, 比想像中快行完

之後就行返去商店街搵食

呢個宮島名物炸紅豆餅

本來對佢無乜興趣, 但原來食落幾好食

之後就去食炸蠔

仲有燒蠔, 兩樣都好美味

呢塊魚餅超多油, 好恐怖

八天堂都係呢度嘅名物

佢係一個裝滿 Cream 嘅麵包

感覺幾得意, 不過唔算特別好味

行到差不多返酒店, 開始落雨

我哋無帶傘, 唯有行快兩步

返去又浸吓溫泉

之後就食晚飯啦

前菜味道都唔錯, 很好的 opening

個剌身盤都好精彩

魚鍋, 湯底好鮮甜, 好飲 

加埋腐竹同烏冬都幾好食

蝸牛先生嘅蠔鍋, 都唔錯

魚湯, 都好好飲

燒蠔好肥美同鮮甜, 今日真係食咗超多蠔

無乜印象係乜

牛肉反而麻麻

唔記得係乜, 但印象中都幾好味

鮑魚都超新鮮, 好正~

我差不多食哂成碗飯, 今餐都幾好味

甜品普普通通

食完飯先九點, 見時間尚早就出去睇吓水退後嘅鳥居

由酒店行出去大約十分鐘, 都幾方便

不過今晚好大雨, 有啲狼狽

鳥居亦無想像中咁靚

睇咗一陣就返去啦, 因為真係好大雨

我諗天朗氣清嘅鳥居應該幾靚

今日天陰陰感覺真係麻麻哋...可惜~

2017.03 廣島 福岡 {Day 3a} 結婚周年 x 宮島溫泉

2017.03.20 廣島 福岡 {Day 3} 結婚周年 x 宮島溫泉 {有もと}

酒店 check out 時間係 12:00

我哋懶洋洋瞓到自然醒, 11:30 先去 check out

尋日見到宣傳單張話房客幫襯酒店餐廳會有七折
好似好抵食, 同埋個樣望落都唔錯


於是決定今日 lunch 去試吓

點知原來 check out 後係做唔到優惠的

不過都照去啦

話哂今日係結婚周年, 要食好啲

 蝸牛先生的壽司 set
佢就話味道正常, 唔算特別好食

我的燒魚set

有三款唔同嘅燒魚, 我就覺得幾好味

本身跟餐係白飯, 我就加咗 800 yen 轉做"時令飯"
本日時令飯竟然係薑飯
最初入口唔特別, 但之後食食吓又覺得幾好食


甜品反而我就唔多欣賞

食飽之後就出發去宮島啦
坐火車由廣島去宮島口大約半個鐘就到

落咗火車, 之後就沿住指示行去碼頭坐船

船程約十五分鐘就已經可以去到宮島

一落船已經見到好多鹿
大部份都好乖, 只係比較胃食 (有圖為證)

我哋沿住宮島表參道商店街一直行
睇吓嘢又影吓鹿
有人又買雪糕, 啡色一點點係呢度限定, 佢話係鹿屎 😅

我就買咗支廣島檸檬汁, 不過無乜特別

宮島出名食蠔, 周圍都會見到有燒蠔

行行吓見到有間白雪雪嘅鋪頭
個甜品望落好似唔錯

入去買咗一件 share
酥皮入面包住忌廉, 都唔錯

商店街盡頭就係海邊

終於都可以近距離望到呢個世界遺產 - 鳥居
可惜今日天氣唔太好
影相出來效果麻麻

之後就去酒店 check in 啦

宮島グランドホテル 有もと
http://www.miyajima-arimoto.co.jp/

酒店有提供接駁巴士

不過蝸牛先生話路程唔遠 (約二十分鐘腳程)

不如就行過去順道觀光

酒店入口比較隱蔽

我哋第一次經過但 miss 咗

之後兜返個大圈先見到

(但其實就在燒防局旁)

check in 完等到三點就安排上房啦

有 welcome 生果

好似住咁多次溫泉旅館, 第一次有果盤

仲有一杯熱嘅綠茶

宮島名物, 紅豆餅

以溫泉旅館嚟講, 房唔算大
地下鋪地毯, 而唔係平時嘅塌塌米
其實入房前職員都無示意我哋要除鞋
所以.........之後喺房都要著住拖鞋, 好唔方便

室外溫泉

我覺得似室外浴缸多啲, 無乜浸溫泉嘅 feel

由於同地面都幾近, 浸嘅時候亦要好小心

浴室入面有幾支 L'Occitane
原本以為佢沖涼房無梘液, 但原來有喎
最後, 我好貪心地將佢哋拎走哂返屋企

有室內浴缸, 不過我哋無用到

有 CD 機, 聽吓音樂
不過房入面得兩隻CD, 好快聽完

有即沖咖啡

雪櫃入面除咗酒之外全部任飲

喺酒店休息一陣, 就出去外面行吓同食吓嘢

2017.03 廣島 福岡 {Day 2} 向廣島出發

2017.03.19 廣島 福岡 {Day 2} 向廣島出發

今日我哋會出發去廣島

出發之前, 先去中洲食 pancake 做早餐

首先放低行裝喺博多站嘅 locker 

然後就輕鬆出發

Bills 福岡 (Tabelog 3.51分)

想試 Bills 好耐, 不過聽聞東京店排隊排到癲

所以一直都未敢去試

點知出發前俾我發現原來福岡都有分店

我估呢邊應該唔會太多人吧

於是就叫蝸牛先生陪我去

我哋大約十點去到, 嘩....點知都有人龍

最後都差不多排咗半個鐘先入到去

 蝸牛先生的熱朱古力

底部有一粒粒朱古力物體, 飲之前要攪勻

佢話好濃味, 好好飲

至於我就叫了一壺熱茶, 無乜特別

香蕉 pancake

pancake 唔算厚, 不過都幾鬆軟

但唔知係我期望過高定點

我又覺得唔算特別好食

而且, 未食完已經覺得有啲漏

眼見隔離嗰 pair 每人一碟, 仲要另加咸點

真係見到都滯

今餐, 食完後我係有少少失望的~

返博多坐 12:45 班火車去廣島

今次我哋買咗呢張 5日券 JR關西&廣島地區鐵路周遊券 (JPY11,000)

由於只可以坐自由席, 出發前有點擔心無位座

不過原來擔心係多餘的

就算呢日係星期日, 但都大把位

大約個半鐘就到達廣島, 都好快

今次我哋住 廣島 Sheraton

咁大個人第一次住呢啲五星級集團嘅酒店

(喺永安 book, 價錢唔算離地, $16xx 一晚)

雖然附近都有啲低價少少嘅酒店

但見唔係太貴, 人一世物一世, 一於試吓

酒店喺車站北口, 一出去轉右就會見到

雖然好近車站, 不過北口呢邊比較荒蕪

而南口會繁榮少少, 似乎住嗰邊比較好

 check in 完仍未夠鐘可以上房, 於是我哋放低行李後就出去搵食

行咗去新幹線名店街 (北口)

本來想食廣島燒, 不過超超超長龍

由於已經開始肚餓, 所以都係放棄, 去咗隔離餐廳

酔心 広島 (Tabelog 3.52分)
無乜期望之下, 呢餐都幾好食

食飽就坐電車去原爆遺址
但由北口行去電車站條路都幾難搵
我哋兜咗好大段路先去到
(之後發現原來一定要經地下通道先可以行過去)
千辛萬苦去到電車站, 但又發覺月台一片混亂
好多人, 而且無人排隊, 真係唔多相信自己喺日本
最後都總算上到車, 但車入面超迫~

去到原爆遺址, 睇返啲歷史介紹, 真係好 sad
為咗要結束一場戰爭, 竟然要犧牲咁多人嘅性命
真係好希望以後可以世界和平


之後我哋就行出去市中心, 行咗陣 Praco, 但唔多岩睇


行到咁上下, 蝸牛先生就帶我去食烏冬
鋪頭 20:00 close, 我哋 19:45 分先去到
好彩都趕得切

乃きや 広島 (Tabelog 3.56分)

我揀咗湯烏冬, 好好食呀
烏冬好彈牙, 木魚湯底都好好飲
(可惜當晚我口渴到想死)

蝸牛先生就揀咗撈烏冬, 佢都話好好食

食完之後就慢慢行返酒店

一入到房, 嘩, 好大, 好靚
美中不足係煙味好大 (不過我呢間係吸煙房)
廁所乾濕分離, 我鍾意
不過浴室呢邊嘅地板有水就會變得好滑, 有啲危險

今晚張床好大, 真係打橫打直瞓都無問題
我相信如果間房無咗陣煙味的話, 感覺會更正

瞓之前兩個無聊人喺窗邊望街


見到樓下嘅的士好有秩序咁排隊等客
當第一排的士走哂之後 (即 6,7,8 號)
第二排的士會一齊駛上去第一排, 好得意


望一陣就去沖完瞓覺啦
第二日完~