2016.12 大阪 {Day 6b} 神戶到著 (烏龍日)

2016.12.01 大阪 {Day 6b} 神戶到著 (擺烏龍的神戶牛晚餐

由京都去神戶, 車程都要一個鐘多啲啲
然後終於都來到新神戶, 打算轉 Shuttle bus 去酒店
預先 check 好時間表, 落火車見仲有五分鐘就開車
於是即刻衝去搵車站
車站好難搵, 無指示, 又無酒店牌 (但見到其他酒店有)
睇返 website 確認咗自己無去錯就停低等

不過明明夠哂鐘但唔知點解仲未見有車
感覺有啲古怪
但check 過又真係無去錯地方喎
最後終於比我哋搵到呢個牌
OMG!!!!   細看之下發現.......原來假日先有由新神戶開出嘅班次
平日的話, 唔該去三宮站上車

今次完全係我擺嘅烏龍
趕頭趕命, 點知最後都係無車撘
好彩, 由新神戶去三宮都唔算遠....唉

一路行一路好唔開心, 亦都怪自己咁粗大意
攪到錯過咗返酒店睇日落嘅好時機, 好失望

今次 book 咗一間地點唔太方便, 但有 view 嘅酒店
Kobe Meriken Park Oriental Hotel
http://www.kobe-orientalhotel.co.jp/english/

房唔算好大, 不過感覺好舒服, 一眼望哂

如果屋企都有一個小露台, 可以得閒出去吹下海風休息吓你話幾正

廳有一張小沙發, 出面有一個小露台 

急不及待行出露台欣賞吓個海景, 真係好靚, 好正!!

曾經, 我同蝸牛先生就喺對面個摩天輪入面....

喺露台 hea 下, 細想下當年
到差不多時間就出發去食晚飯
今晚呢餐係我最期待嘅其中一餐 -- 神戶牛

由酒店去餐廳其實唔近
不過我哋都選擇行路過去, 因為可以順便周圍行吓


今晚 book 咗 Oriental hotel 入面嘅 steak house
點知...上到去人哋話無我名
於是就 show 個 reservation email 比佢睇
OMG!!!  原來我 book 錯咗同層嘅西餐廳
簡直係睛天霹靂!!!!!!  真係有種想喊嘅感覺

既然 book 咗又已經嚟到, 無理由唔坐低食埋先
(雖然當時真係勁想走, 然後出去搵牛食)
跟住打開 menu, 仲要有一味係京蔥鴨!!! 你話係咪灰爆?!
難得蝸牛先生無怪我仲不斷安慰我...真係對我超好~

好彩, 呢餐都幾好食
係每道菜都好好食, 如果去神戶想食西餐的話
呢間係唔錯嘅選擇 (Main Dining)
http://www.orientalhotel.jp/restaurant/shop/detail_01.html#first-resevation-tab02

咖哩飯好有驚喜, 米嘅質地好好
而所謂嘅京蔥鴨 (左上) 其實都唔錯




食完之後叫侍應幫手 book 明天 steak house 嘅 lunch
好彩都仲有位比我哋攝...
book 完終於放下心頭大石
因為今次來神戶主要目的係食牛
如果食唔到, 真係飲恨~

食飽就坐的士返酒店瞓覺
今日竟然連擺兩個烏龍, 真係一個好難忘嘅神户行

2016.12 大阪 {Day 6a} 嵐山賞楓 (天龍寺, 寶嚴院)

2016.12.01 大阪 {Day 6a} 嵐山賞楓

一大早服務員就好準時入房 SET 枱

我哋梳洗完出廳已經鋪到成枱嘢食

佢有有支專 for 點蛋嘅醬油

撈埋隻生蛋, 望落好似好正

可惜丫, 我怕肚痛唔敢試

蝸牛先生就話幾好味

另外仲有件糯米飯嘅物體, 超飽肚

食完早餐又浸過, 之後就 check out 啦

臨走先影返個正門

之後我哋就出發去嵐山睇紅葉

好緊張, 好期待可以睇到滿山紅葉

去到車站先搵 locker 放低行裝

怕郊外會凍, 所以無放低件羽絨, 點知全程熱到死死吓

路經小火車車站, 不過我哋無計劃坐

之後就沿路行上 <天龍寺>

紅葉無想像中咁多, 有少少失望

不過勝在當日天氣好好, 人亦唔算好多好多, 都算行得舒服

之後我哋又沿路行去寶嚴院

呢邊比較 OK 少少, 入面啲葉紅好多

行完呢兩個寺我哋行返去嵐山大街嗰邊

大街兩旁有好多賣手信嘅地方

綠茶控嘅我其實好想買

不過一諗到之後又要大包細包拎住撘火車 (我哋下一站仲要去神戶)

於是就無興趣買 lu

行到差不多食飯時間

見到有間食豆腐嘅, 但大排長龍

(好後悔無 book 位, 好想試下京都嘅豆腐)

之後求其入一間

叫咗個烏冬

味道都算正常, 但烏冬就唔彈牙亦唔爽口 

蝸牛先生嘅天婦羅飯, 聽講好似正常無特別

食完之後就出去嵐山公園嗰邊

沿路條河都幾靚

感覺好平靜

離開公園.....有人終於食到第一杯雪糕

離開嵐山大街之後就要趕火車

但一場來到京都, 又想去竹林小徑望下

於是急急腳行過去, 行咗少少就返轉頭出返車站

影張相, 到此一遊

兩, 三點嘅嵐山開始多人

建議早少少去會行得舒服啲

今晚我哋會stay 一晚神戶

好期待今晚間酒店

亦都好期待今晚餐神戶牛

(待...)

2016.11 大阪 {Day 5c} すみや亀峰菴 晚飯

2016.11.30 大阪 {Day 5c} すみや亀峰菴 晚飯

喺房浸完溫泉 HEA 一陣就到食飯時間

我鍾意呢度嘅晚飯係喺房食的, 感覺輕鬆舒服一啲

前菜: 擺盤好靚
因為未係好肚餓住, 所以我靜雞雞將啲食物留起
如果喺餐廳食就唔可以咁做啦

刺身

呢碗湯好好飲

呢個鍋入面有魚, 入面啲湯都好好飲

燒雞肉

牛肉: 好似普普通通

豆腐

日本嘅飯都寧舍好食過人

甜品就普普通通

夜宵
出發前喺超市買咗抽提子
日本出品嘅水果唔知點解硬係甜啲好食啲

呢度好好, 將我哋頭先食唔哂嘅飯整咗做壽司
咁就唔怕浸完溫泉肚餓啦

呢餐唔算太精彩, 但我覺得味道都算幾好
而且份量又岩岩好

食飽休息陣就盡情喺房浸溫泉
不過最衰呢度私隱度太低, 如果唔係開大隻窗浸應該幾爽

2016.11 大阪 {Day 5b}下鴨神社 / すみや亀峰菴

2016.11.30 大阪 {Day 5b}下鴨神社 / すみや亀峰菴

其實我同蝸牛先生對神社無乜興趣
不過一場來到就入去睇吓
又順便睇下有無紅葉

紅葉唔多, 得呢棵最紅

於是呢棵樹就成為咗焦點

路經河合神社 (有日本第一美麗神之稱) 又入去睇下

一入去會見到好大片絵馬牆, 一張張化好妝嘅面, 真係好"卡娃兒"

手鏡形の絵馬

我都唔執輸買一個返屋企留念 (JPY 800)

不過我無美術天份, 所以無幫佢化妝啦

之後就行返去 <出町柳駅> 坐車去今晚嘅溫泉酒店

出町柳駅 >> 京都 >> 亀岡駅 

車程大約都要一個鐘

我哋一直都無留意時間, 去到車站先知原來時間好緊迫
點知因為太急, 入錯咗私鐵閘口 (但我哋要坐 JR)
不過最終都係趕唔切坐 亀峰菴 嘅接駁巴士

要自己坐的士入去 (坐咗 over 2千 yen, 好貴)

すみや亀峰菴

https://www.sumiya.ne.jp/

旅館規模比想像中細, 但房入面就好大

佢有兩樽茶葉都幾好飲的

不過我嫌佢個茶壺唔太乾淨

有一個小角落可以欣賞到出面嘅園景

如果紅葉滿開應該幾靚

不過佢都幾近馬路同大眾通道, 感覺無乜私隱

私人風呂都幾大, 浸得幾舒服

不過如果開哂窗又係好容易會比人望到

(我自己就望到對面公眾浴場有個赤條條嘅男人下水)

如果紅葉滿開而又可以開大個窗應該幾正

又或者住高一兩層可能會好啲, 下次揀房一定要留意吓

臨出發前見到飲食男女介紹京都手信

見到呢間嘅綠茶蛋糕好似幾正

於是即刻網上訂然後寄去溫泉酒店慢慢嘆

FLAVOR

http://www.flavors-kyoto.com/

聽聞個綠茶 roll cake 經常斷貨

不過食完好失望, 綠茶味唔濃, 而且食完感覺好漏, 好唔舒服

食完蛋糕又浸吓溫泉, 之後就等食飯