2013.03 - 東京小旅行 {Day 7} - 洗滌心靈之旅 - 漫遊輕井澤

2013.03.21 Day 7
新宿 >> 輕井澤 >> OUTLET >> 雲場池 >> 舊輕井澤 >> 白絲瀑布 >> 星のや


今日又要早起
買了 9:52 車票去輕井澤, 在東京站開出
我倆 8 點幾 CHECK OUT 完就坐地鐵落東京站
好傻仔地揀了人多又站多的山手線
迫了大半個鐘先去到東京站

今日用的是 JR KANTO AREA 3 DAYS PASS售價: JPY 8,000
三日內可以任坐: JR東日本線全線 (即山手線等), 東京單軌電車, 新幹線等等
單係兩程往返新宿輕井澤的車飛已經值回票價, 而且仲包坐 NEX 出機場
旅程的最尾三日, 我地就係主力用呢張 PASS

去到東京站, 時間尚早
於是走入車站的鋪頭行下, 又買定便當上車食
最後揀了燒牛舌便當味道唔錯, 不過上到車便當已經凍了, 我諗熱食會更好
其實買的時候以為是牛肉便當, 食到一半先發覺質感有點似牛舌
於是就問唔食牛舌的蝸牛先生有無同感
哈哈, 之後佢就無再掂盒便當了




一個鐘的車程就到達輕井澤
落車後第一個感覺係 "好凍"
先去車站的遊客服務中心拎資料
入面有 MAP, 巴士TIMETABLE, 都幾實用

本身計劃下車後就去吃 LUNCH, 不過便當仲未消化完
於是去巴士站探一探路
一落車站就會見到有一排巴宜站, 好易搵


由於巴士剛走了
於是我們轉戰 outlet (outlet 都係一出車站南口就見到啦, 好方便)
希望可以買點禦寒衣物
最後我買了一件保暖打底衫
著完上身即刻暖哂

因為 outlet 離車站不遠
所以我地決定今日先 window shopping, 第二日臨走先過來買
咁就唔駛拎到一袋二袋去觀光 (而其實車站亦有好多locker)

行到差不多時候就去食炸豬扒
呢間在惠比壽好出名的豬扒店, 標榜有廿五層, 好鬆軟
難得在輕井澤有分店, 就唔駛花時間專登出惠比壽

キムカツ
長野県北佐久郡軽井沢町軽井沢
軽井沢プリンスショッピングプラザイースト

豬扒有好多隻味, 有cheese, 梅子....我剩係記得我地揀了cheese, 其他的就唔記得了


豬扒果然有入口即溶的感覺
不過我同蝸牛先生就唔識欣賞
覺得質地怪怪的, 太鬆散, 唔似豬扒
而我更加覺得豬扒似比人"趙" 完, 好奇怪




食飽之後就出發去雲場池
從車站的北口出發, 沿途風景好靚
有高高的樹, 又有歐陸式的小屋




原來呢一帶有熊出沒
如果唔好彩遇到, 真係唔知點算




行了大約 30 mins 終於到達雲場池雖然無想像中咁靚 (無紅葉真係爭好遠), 亦好快行完
但都算不枉此行 (在香港肯定唔會見到咁靚的景色)

可能唔岩季節, 來遊湖的人好少 (基本上輕井澤人影都唔多隻)
不過都好丫, 我地可以慢慢影, 成個池都屬於我地0既


之後就行返出舊輕井澤街附近坐巴士去白絲瀑布
等車時在車站旁邊執到個超人


車程約 15-20 mins, 車資 710yen 一個人!!! 好貴
沿途九曲十三灣的山路, 好似好危險






今次勁失望呀
所謂的瀑布, 好似得幾條水柱咁
一 d 都唔壯觀

呢度的遊人亦都不多, 只得兩個專來影相的後生仔, 仲有一個香港女仔 (佢一個人上來, 好堅!!)



返出市中心的巴士班次唔密, 我跟蝸牛先生在寒風中等了大約半個鐘, 好凍

出到輕井澤車站, 去outlet 0個邊搵0野食
最後買了一點小吃就坐 shuttle bus 去酒店

今晚下塌 星のや
有次無意中見到人地個 blog 介紹呢間酒店
見到酒店的環境超級靚
不過想住的水上屋房價唔平
唯有退而求其次, 揀了向山的獨立小屋

酒店lobby


入到酒店已經天黑
景色好靚, 但天氣太凍, 凍到都唔想出去影相

welcome 點心 

安頓好後, 酒店會派專人過來講解一下酒店的設施

浴室入面有棵類似芫茜的物體 (請留意下圖)
專人話係用來浸浴的, 有藥用效果 (我見人地係浸蘋果浴架)
不過最後我都無試到

 

之後就call 車接我地去食飯的地方
酒店入面有幾間餐廳, 有日本菜, 外國菜
我們揀了比較平民化的 <村民食堂>
揀了兩個雞肉鍋

價錢唔貴, 味道都ok

食飽飽之後又有專車接我地返酒店

呢度有兩個溫泉
不過我就唔太喜歡去公眾溫泉 (好怕醜)
所以呢晚就留0係酒店房, 聽下音樂休息下
(房入面有隻純音樂的CD, 好令人 RELAX)

在香港, 好少機會可以咁放鬆
大部份時間總係好忙
難得可以聽住音樂咩都唔做
真係一個幾好的享受 

~第七日完~

2013.03 - 東京小旅行 {Day 6} - 布婚紀念日 - 東京夜景鐵板燒

2013.03.20 Day 6 新宿御園 >> 代官山 >> 御茶之水/ 池袋 >> 新宿
今日是我跟蝸牛先生的結婚兩周年
不過無預備到小禮物
只係自製0左張咭送俾蝸牛先生

一早起身出發去新宿御園賞櫻, 心情好興奮
其實, 臨出發去日本的前一, 兩個星期
各大的櫻花預測網都預計東京的櫻花 3 月尾先會開
本來都已經打定輸數無得睇
點知, 奇蹟忽然發生
在臨出發前兩日, 開花日忽然提早了一星期, 岩岩 FIT 到我倆的行程

既然櫻花咁識做, 我地決定留兩個朝早去賞花

由酒店行去新宿御園大約 20 MINS
不過係平日的關係, 來賞花的人唔算太多

入到公園, 第一棵見到的櫻花, 好靚




湖邊種滿櫻花, 現場睇好靚, 可惜我影得衰


在公園入面買了壽司便當做早餐


第一次見到咁多櫻花, 我同蝸牛先生都好興奮
不斷舉起相機狂影 (呢次旅程, 應該係我地影得最多相的一次)
玩了大約兩個鐘就走了

之後行落新宿食拉麵
無乜特別心水, 都係去返 一蘭(聽聞, 一蘭將會進駐香港, 以後食拉麵又多一個選擇)


下一站, 代官山今次我同蝸牛先生都有收獲
行到差不多時候, 又去找尋蝸牛先生想吃的 CAKE SHOP

Qu'il Fait Bon
東京都渋谷区恵比寿西2-18-2

本來想堂食, 不過要等 30 MINS, 所以都係拎走
求其搵個公園坐低食, 可惜超大風, 無辦法慢慢享受呢件 CAKE, 有點可惜
甜味適中, 最特別係可以食到白色品種的士多啤梨


離開代官山, 又跟蝸牛先生分道揚鑣
蝸牛先生要去御茶之水睇樂器
而我則一個人轉戰池袋

今次我又有收獲
臨走又在TOKYO HANDS 買了陶瓷刀
yeah, 終於買了粉紅色, 好靚


因為蝸牛先生說他已經開始回新宿
所以買完刀我就急急腳走
點知, 返到新宿....佢又去了睇樂器
話十分鐘攪掂, 點知最後成半個鐘先得
我一個人在街邊呆等, 勁嬲 & 勁攰!!!!

雖然好嬲, 但都要出發去食我倆的周年晚餐

Seryna 瀨里奈東京都新宿区西新宿2-6 新宿住友ビル52F

今晚我們吃鐵板燒
一個餐點了普通牛, 另一個餐就點了神戶牛
除了牛之後, 跟餐還有前菜, 鮑魚 (可揀龍蝦), 帶子, 蝦, 炒飯
呢餐雖然都算好味, 但又無想像中咁正


食完鐵板部份, 就移玉步去甜品區
甜品區除左有甜品之外, 仲有新宿夜景附送 (實不相瞞, 呢餐飯我另一個期待就係夜景)
不過我又有少少失望呀!! 因為張枱唔係貼窗的, 所以同個夜景有一段距離, 唔算睇得太清楚咋 

 

食完飯就坐一個站的地鐵返酒店

~第六日完~

結婚兩周年
慶幸同蝸牛先生生活得尚算開心
雖然不是事事順景
但都總算無風無浪

希望餘下咁多年都可以開開心心, 無憂無慮~
兩周年快樂~!!

2013.03 - 東京小旅行 {Day 5} - 箱根再見

2013.03.19 Day 5
箱根 {宮之下} >> 箱根 {大涌谷} >> 箱根 {桃園台} >> 箱根湯本 >> 新宿
預約了八點食早餐
所以呢日又係早起
早餐有西式同日式可以揀
但一場來到日本, 當然要揀日式

食物放到一枱都係, 好誇張 (日本人朝早真係可以都食咁多?!)
有豆腐, 魚, 四,五碟前菜, 麵豉湯, 飯, 粥, 茶碗蒸
我覺得正常人無可能食得哂 (每人一碗飯 + 一碗弼!!!!!)....其實有點浪費


食完之後 HEA 一個鐘就去浸多次溫泉
前一日買了梅酒 & 果酒, 今早 K.O 埋佢
右圖的桃味果酒好好飲呀!!
一邊浸酒泉, 一邊嘆酒, 好寫意~


離開前浸多一次溫泉, 之後就執行李離開 (好唔捨得呢間咁靚的酒店~)
CHECK OUT 後行去登山電車站等車出發去大涌谷
點知...突然見到酒店的職員跑過來, 佢拎住蝸牛先生個銀包好緊張在閘口前向我揮動
(其實當時我唔認得個職員, 只係認得蝸牛先生個銀包)
原來....蝸牛先生俾完錢後, 職員又突然話幫我地影合照, 於是佢就放低左個銀包...最後就漏低了
我覺得真係好好彩
好彩職員無貪心, 又好彩當時仲未有車
呢間酒店, 真係抵讚
如果大家有興趣去箱根住一晚溫泉酒店, 我強力推薦呢間

箱根吟遊
http://www.hakoneginyu.co.jp/guestroom.html

網上BOOK 房可經呢度 "CONTRACT US"
http://www.ryokancollection.com/eng/

之後就出發大涌谷
箱根 {宮之下} >> 箱根 {大涌谷}
一出大涌谷車站就會見到富士山, 好靚呀!! (呢張相我 ZOOM 到好遠的, 其實現實中座山都遠)


上到山有幾間買手信的鋪頭


買了一支綠茶


在上高D, 就會見到座山有好多地方在冒煙
行得愈上就有愈大陣的硫磺味, 好臭 (有點似坑渠味)



溫泉蛋製作中
將白蛋放入冒煙的水池, 熟了就會變成"黑蛋"



"黑蛋" 500 YEN 有6 隻

蝸牛先生對蛋無興趣
我一個人食0左四隻.....蛋白
除了外表上係黑色, 其實佢只係一隻普通的蛋



我食蛋, 蝸牛先生就食雪糕
呢支好似係蛋味雪糕


在大涌谷大約逗留了一個鐘
之後就坐登山纜車去桃園台, 打算坐海賊船遊盧之湖

有點似海洋公園的纜車


桃園台站又有好多叮噹, 呢度只係一部份


醫肚時間
小商店的豬扒三文治, 估唔到又幾有驚喜, 熱辣辣好好味...


不過, 我地最後無去遊湖
因為船期同我地最初 PLAN 的時間有出入
如果要遊湖就趕唔切坐車返新宿 (已經買了16:18 的車飛)
所以最後又坐返車落山

無得坐船, 唯有出去望下隻船啦~


花了差不多一個鐘先落到山 (箱根的交通雖然方便, 但路程都幾遠)
落到山已經三點半有多, 但我地仲未買手信, 而且又未醫肚
極速在手信街搵0左一間鋪頭坐低, 味道都唔錯, 只係咸0左少少


食完就上返車站旁邊的鋪頭買手信
之後就坐車返新宿了
臨離開買了蘋果水, 味道正常, 但我都係 LIKE 蘋果茶多D


返到新宿, 我跟蝸牛先生就分道揚鑣
佢行佢喜歡的, 我行我喜歡的
行到差不多時候就 SEND MESSAGE 俾蝸牛先生
不過專心買0野的蝸牛先生竟然忙到無時間睇 MGS!!!
跟住我又諗, 佢會唔會跌0左電話呢?! 明明之前仲有覆 MGS 架...(跟住就攪到我無乜心機行喇)
分開前又唔記得約定最後幾點同邊度等
諗住行返酒店等佢...點知行到中途就收到佢MGS
於是又要行返轉頭, 攰死我!!!
(結果當晚, 蝸牛先生買了三件衫, 而我就乜都買唔到!!!)

最後都無心情 (+ 無體力) 諗今晚食乜
就去了酒店附近的高島屋
揀了築地玉壽司
呢間鋪頭出名抵食又高質素的壽司放題
不過我地去到已經差不多九點, 有好多魚生都已經賣哂
加上其實我都唔太餓, 所以最後決定單點

在日本, 普通一間壽司店已經比香港的好味百倍