而加每日一有時間就溫日文, 好充實, 好鬼忙
下星期就飛韓國了, 係我同蝸牛先生的第一次
唔知好唔好玩呢
今次只係去四日, 所以唔會有太多的行程
加上第一次去, 所以只係 plan 吓去明洞, 弘大之類熱門的地方
無乜特別的期望...
只係期望可以食到好食的韓牛
上星期買咗機票九月去名古屋
今次主打岐阜縣 (高山, 白川鄉. 奧飛驒溫泉鄉)
未出發先興奮
已經搵緊溫泉酒店, 好多間都好似好靚呀~
(希望到時 yen 唔會升得太高)
7-11 最近 換的 Le Creuset 小餐具
其實本來唔覺得特別靚
不過換完一個之後, 又好想儲齊一套
多得同事, 朋友, 屋企人的幫助之下, 我已經換咗六個啦
要繼續努力!
(不過每次都唔知抽到邊隻, 攪到無乜心機再換落去....)
有次 weekend 同蝸牛先生去翠園飲茶
一打開點心紙, 咦...點解咁少選擇嘅
當我哋以為中伏之際, 阿姐就話出面有點心車
已經好耐無見過點心車啦, 真係好懷舊~
亦令我諗返起以前細個同屋企人飲茶的時光
有一晚學人整燒肉
過程雖然唔算煩覆, 但因為味道無乜特別
最重要係整唔到脆皮
所以應該唔會再整第二次了
今年會去三次旅行
呢半年都要慳慳哋儲下彈藥先~
我只係見過機場間美心有點心車, 但都係gimmick嘢, 因為最後都係要畫點心紙, 估唔到原來仲有其他地方有!
回覆刪除好犀利, 你一年真係去好多次旅行, 你又好啦!
CWB間翠園又勁多點心車喎, 仲要架架賣唔同嘢食, 真係好似細個飲茶咁.
刪除你去一次旅行, 等如我去三次....你仲好啦~
Mr and Mrs. Snail:
回覆刪除~我以前都學過日文, 日文都幾難學, 而且,唔係成日用到,好難入到腦, 我考完試都交晒比老師.哈~
~有得去旅行,太開心啦!! 旅途愉快!