2015.03.28
{Day 8} 下集 - 夜櫻
今日主要在天神區遊走
行了大丸, PARCO, CANAL CITY 等等的大百貨公司
真係少點腳力都唔得
行到七點幾八點, 想要行的商場都已經行得七七八八
但又未肚餓去食晚飯
(今晚我地計劃去天神屋台食飯, 所以中間又唔會想返酒店 hea)
醒起舞鶴公園可以睇夜櫻
於是臨時決定出發去賞櫻
(一日內睇兩次櫻花, 真係第一次)
今次我地在赤板站落車
行去公園 AROUND 十分鐘
可能今日係星期六
夜晚比今早反而仲多人
不過夜櫻又無想像中咁靚
我都係比較鍾意藍天白雲下的櫻花多 D
拍攝技巧唔太好
夜晚的攤檔比上午還要熱鬧
有人買了一杯魷魚酥
( 不過味道麻麻)
行了半個鐘唔夠, 已經攰到想C
最後我地仲決定唔去食屋台
坐的士返酒店對面食華味鳥
原來由公園坐的士返博多的車程都唔短
再加上塞車, 都坐0左幾耐
最後車費要 JPY1,600 (成百幾蚊港紙!! 肉痛)
司機仲要車錯左我地去左另一間酒店 (同 GROUP, 個名好似的)
累我地要多行五分鐘先返到酒店
路經商場, 見到間人龍 chocolateshop
有人又買了一件 cake
不過蝸牛先生話味道普通
在酒店休息一陣就去對面的華味鳥食飯
22:30 last order, 我地落到去岩岩好趕得切
福岡市博多区博多駅東1-13-31 駅東サンシティビル1F
一間清一色食雞的鋪頭
唔太餓, order 了兩個算係輕盈的 set
前菜
其中一款係生雞
如果唔係0係日本, 我一定唔會食
食落口感同魚刺身差不多, 唔算難入口
味道都 ok 的
見到旁邊有兩隻"小碗"
我懶醒遞比蝸牛先生用來食前菜
當我將肉放0左入去之後
蝸牛先生先同我講呢隻應該係"米缸"
OMG!! 好嘔心!!!
前菜: 雞內藏
本身麻麻地食內藏
主菜: 雞鍋
落雞之前, 店員會先倒一杯雞湯比我地飲
加點蔥花, 加點鹽, 清清地都幾好味
之後會落雞, 肉丸, 菜
雞肉幾滑, 而且好有彈性, 唔錯唔錯
最後, 再放埋烏冬落去
呢餐食得好飽
而且價錢唔貴, 印象中好似係幾千YEN, 大約二百幾蚊港幣
另外不得不讚日本餐廳的待客態度
even 我地呢晚 last order 前 5 分鐘先入座
但店員都無黑面, 無催促我地用餐
到埋單時都係笑笑口
唔理佢係咪真心笑, 總之唔會令我食得唔舒服
相反在香港, 如果 last order 先入店
一入座已經被黑面, 然後催你落單, 再講明佢地幾點要收鋪
食到最後一啖見你放低餐具就即刻過來收碟
(此乃我在天后 坐忘 的經歷)
所以, 真係好難怪我地咁鍾意日本
返到酒店, 好飽, 但仲要食生果
一場來到九州, 當然要食士多啤梨
又平又新鮮
在九州的 last night
真係有點唔捨得
沒有留言:
發佈留言