2019年5月12日星期日

2019.02 京阪遊 {Day3} 本町咖哩、天保山、天王寺、北新地燒肉

2019.02.18 京阪遊 {Day3} 本町咖哩、天保山、天王寺、北新地燒肉

今日十點就出發去拎籌食咖哩
餐廳其實十一點先開
不過十點就會開始派籌
我哋去到岩岩派完第一輪籌, 第二輪先有得食




餐廳喺本町站, 屬於商業區
附近無行街SHOPPING 嘅鋪頭, 唯有周圍亂行
見到有好多賣便當嘅攤檔
賣相都唔錯, 500 YEN 就有一盒, 都唔算貴


行吓行吓見到附近有間寺, 又入去參觀吓 {大阪 北御堂}
不過裡面無乜嘢行的
勝在無乜人同有凳坐
我哋就係喺度消磨時間


坐到差不多夠鐘就出發

Botani curry (Tabelog 3.77分)


咖哩配菜可以任意配撘
主菜有雞、牛、蝦
辣度亦可以任揀

賣相真係100分, 超級勁靚
味道都唔錯, 咖哩汁撈飯真係一流
再加上佢旁邊有好多唔同嘅配菜
食落有好多種唔同嘅層次
食得出佢入面放咗好多唔同嘅香料
真係好正~
有機會都想再去食多一次

食飽飽就向下一站出發
今日其實無乜特別目的地
臨時決定去海遊館、天保山一帶 (因為我同蝸牛先生都未去過)

入到去已經有一隻Lego 長頸鹿歡迎我哋

呢個海遊館啲魚唔算多, 感覺福崗嗰個好啲

我哋好耐無坐摩天輪了
不過呢個都麻麻, 因為無乜景觀
好似坐咗成十幾分鐘, 坐到有少少眼瞓

離開呢度我哋去行天王寺
又係一個我同蝸牛先生都無去過嘅地方

一出車站就有個商場 (MIO)
我哋行咗陣就去搵個地方食吓嘢補充能量
叫咗大阪名物章魚燒、大阪燒
不過兩樣都麻麻哋




之後我哋上 Harukas 300 展望台睇風景
咁岩日落時間, 景觀幾好, 我哋喺度都逗留咗好耐


之後我哋就趕去買吐司
而加日本好似好興呢類吐司鋪頭
店入面只賣吐司同JAM

今日想試嘅吐司店係 嵜本

入面有唔同製法嘅吐司, 有原條賣, 亦有散裝 
本來想買一、兩塊試吓, 點知已經 sold out 啦
有衝動想買一整條
不過蝸牛先生制止咗我 (因為都幾大條)
最後只係買咗3 樽jam 
味道都唔錯, 唔會好甜


離開呢度我哋繼續喺天王寺嘅商場流蹓躂
(行咗 Q mall, 不過無咩嘢行)
到夠鐘就去北新地食燒肉

さつま (Tabelog 3.77分)
呢間燒肉店比較地道
無華麗嘅裝修, 食完成身一陣燒肉味
不過佢啲肉嘅質素幾好
而且價錢唔係好貴
每碟件數唔多, 可以試多幾款

呢餐, 本身應該食得幾開心的
不過.....
當我哋坐低無耐, 就收到我 mgr 的 whatsapp 同我講公事
其實我對於呢個行為幾反感的
明明放假就係想 relax
開心緊嘅時候無啦啦將我拉返去工作, 想點先?!
就係呢日, 我決定咗要辭職




好地地嘅一餐就咁俾佢糟蹋咗, 無陰公!

食飽飽就返酒店 lu

沒有留言:

發佈留言