2017.08.16 五天東京遊 {Day 5} 東京 再見
好耐都無試過五日遊, 有種到喉唔到肺嘅 FEEL
最後一日無行程, 心大心細去唔去中野睇錶好, 最後都係無去
想去食烏冬, 不過未有咁早開, 於是先去高島屋睇吓有無想買的錶
去到高島屋就同蝸牛先生分道揚鑣
佢去低層買手信, 我就去搵錶
如我所料, 無貨!
之後返酒店CHECK OUT 後就去食烏冬
慎 (tabelog 3.61分)
去到都要等咗十幾分鐘先有位
烏冬係自家製, 大部份都係無湯的
對於鍾意有湯嘅我, 有少少失望
烏冬都幾爽口彈牙, 入面有汁, 都幾唔錯的
另外仲有天婦羅可以ORDER, 味道都唔錯
食完就行去小田急嗰邊再搵錶啦
不過呢度都係無
行行行, 去埋 Isetan 都係無
不過最後買咗另一隻
完成心願又行一陣就差不多要返去拎行李出發去機場
話說之前懶醒, 自己走去售票機買車飛去機場
點知入唔到閘 (最離奇係蝸牛先生入到, 我入唔到)
於是我一個人要走去票務署攪
(雞同鴨講, 個車站叔叔仲要有d 惡)
最後佢發現蝸牛先生張票其實都係唔岩的
於是又趕佢出來再買
好彩有預鬆時間, 如果唔係真係趕死
去到機場寄完行理就搵嘢食
五日旅程話咁快就完
今次無乜點 PLAN, 不過慢慢 hea 下食下都幾 relax
當然有得去浸下溫泉就仲好
下次再來東京一定要去富士山或者伊豆
期待下一次的日本之旅
沒有留言:
發佈留言