2009年12月26日星期六

2009溫馨浪漫台北牛一遊 (第三天)

11:00 邊田庄 >>> 12:00台北市動物園 >>> 18:00 忠考敦化站 >> 19:00 南京北路
今日主要行程係去動物園. 出發前先去食個 brunch, 用餐地點係 <<邊田庄>>. 揀呢間0既主要係要想食小籠包 (唔去鼎泰豐, 因為香港都有, 而且上一次遊台時食過, 又唔覺有乜特別), 而且睇過好多 blog, 全部評語都話呢間0野好好好好食, 所以就決定一試.
餐廳0係中山國中站, 但因為唔近捷運站, 所以我0地就直接0係酒店坐的士去, 車費才 NT20. 一坐低, 店員會先奉上一杯 洛神烏梅茶” (個味似利賓立仔仔..HAHA), 都幾特別. 0地點0左一客小籠包, 一碟油條牛肉同一窩海鮮豆腐. 小籠包水準真係唔錯, 皮薄又多汁, 另外個豆腐煲都唔錯, 反而油條牛肉就普通0左啲. 食完飯打算行去捷運站, 點知唔知方向, 0係餐廳出面猶疑0左一陣, 店員竟然出0黎問我0地係咪唔識路, 之後就指示我0地應該點行服務勁好, 香港邊會有??!


十二點多啲就去到動物園, 因為今日係星期六, 所以都幾多人. 呢度動物真係超多, 連熊貓都比香港0既安安, 佳佳活潑, 不過, 最令我0地大開眼界0既係見到大笨象小便. 原來係好澎湃加震撼架!!! 好大聲, 仲要係一條水柱咁出….犀利!!!!! 0地用0左三, 四個鐘就行完個公園.

離開公園後就去0 SOGO 0個邊行街. 但可能太攰, 去到 SOGO 都無乜心機行, 之後行0左一陣啲細街後, 再行返去 sogo 0個邊, 見到出面有位坐, 兩個就咁0係0個度坐左成粒鐘. 休息完畢後, 決定落返似原宿0個條街再戰 (即忠孝敦化站), 可惜大家都無收獲. 之後諗住去蔡依林都去0 <<橋頭>> 打邊爐, 點知, FULL, 店員叫我0 9 點先再去 (當時 7 點都未夠!!), 於是唯有改地方, 去佢同事介紹0 <<鼎王麻辣>>, 點知去到, 又係一條人龍拎完飛, 店員話大約等 1.5個鐘…(), 但因為今個旅程未食麻辣鍋, 所以我0地都決定等. 呢度附近完全無0野行, 0地又有少少肚餓, 於是亂行睇0下有無0野食0左好耐都無, 最後見到條行仔裡面有間麵鋪, 最後就入0左去叫0左一碗牛肉麵 SHARE. 雖然間鋪好簡陋, 但碗麵又唔差, 最重要係食完我無肚痛嘛!!! 食完就返去再等….一個鐘後終於入到去. 呢度個窩底有兩邊, 一邊係麻辣 (但其實又唔係好麻辣), 一邊係酸菜湯底. 麻辣0個邊裡面放0左啲豬紅同豆腐, 豬紅超好食, 而且仲要係不斷添加, 勁正!!! 食完, 店員問我0地打唔打包, 原來呢度啲人興打包個湯底返屋企再打又幾抵喎.

今晚係最後一晚, 但唔知點解又無一種好唔捨得0既感覺. 上次0係日本0既最後一晚, 我同佢都好唔捨得...唔捨得0既唔係日本, 而係..唔捨得呢幾日一齊生活0既日子...hoohoo..可能今次我0地都了解到以後大把日子一齊生活, 所以唔駛唔捨得呢...

沒有留言:

發佈留言